A Voi 2nk Nepal Lihnin Nih 29 Tlawm Lo A Thah, Hi Nak Tam Khawh A si:

Nepal ram Nichuah lei, Everest tlang pawng ah li ai hnin, a luangcia zarh hnih ah tu bantuk lihnin nih Nepal minung 8,000 leng nunnak a lak cang, BBC.


Minung 29 tlawm lo an thi cang, hliam tuarmi 1,006 an si tiah Nepal cozah nih a thanh.

Tu chun li ai hninhnak cu Namche khua a si i hi hmun cu Everest tlang he ai naihte. Hi lihninhnak cu 7.3 thazang a thawngmi a si. April 25 ah a rak i-hninmi kha 7.8 thazang thawng a si tiah US thiamsang nih an thanh.

Tu tan lihnin nih Chaklei India, Bangladesh, Nepal khuahlipi Kathmandu telin khuate lei China ramri hrawng tiang a va tlirh ti a si.

Mithi hi minung 29 naktam zong a phan lai tiah ruahdamh a si.