Bollywood Minthang Ranbir Kapoor Le Katrina Kaif Duhdawtnak Ai Phuang Cang:

Tu lio Bollywood vawlei ah Fitlaw Ranbir Kapoor le Fidi Katrina Kaif cu mithinlung a la taktak mi le uar khun mi an si. An i duh ko hlah maw tiah ceihphai lengmang an sinain, anmah hmurka tein thawng theihmi a um bal lo.


Tu tan ah Ranbir nih Katrina he kan i duh i, hmai kum donghlei ah kan ingei te lai tiah a chim, Timesofindia nih a phuan.

“Tu kum hi kan pahnih in kan imanh lo taktak (busy) tuk caah thitumhnak caan kan ngei kho lai lo. Hmai kum dihlei ah kan pahnih hnatlak te in kan timh i, cucu kan lungtlin fawn,” tiah Ranbir nih a ti.

Kan ipehtlaihnak hi a tu ah kan phuan lo ahcun pakhat le pakhat i-upat lo zong a si lai. Kei hi kum 33 ka si ve cang. Chungkhar ngei ding dirhmun ka phan cang. Cucu Katrina zong nih a duh ve.  Kaif he pehtlai in an rak ceihphai mi kong ah Ranbir nih kei cu film ai tlami chungkhar in a thangmi ka si caah midang ceihphai supsap hi ka caah thilthar a si lo. Hi bantuk te hna cu biapi an si lo. Ceihphai supsap mi ah lehnak tuah zong a herh lem lo tiah Ranbir nih a ti.

Ranbir le Katrina Kaif cu pehtlaihnak an ngei ko. Ai kom sawsawh mi an si lai lo tiah an fans pawl nih an ti lengmang hna.

Tu ceo lawng ah an sining tak cu mizapi nih theih a si. Hi hna pahnih cu mizeipaoh nih ai duh ning nuva ding hrimhrim an si tiah a hlante in rak ti lengmang mi an si.

2009 kum "Ajab Prem Ki Ghazab Kahani" timi film a voikhatnak an rak i thla ti i, cu nak cun baitak tein pehtlaihnak an ngei tiah thawng theih a si.

Cu hlan ah Katrina cu Bollywood Fitlaw minthang Salman Khan he an i rak duh bal i, Ranbir zong Bollywood Fidi minthang Deepika Padukone he an rak iduh bal ve.