Ring-awntum Thiam Mang Za Kam He Tonnak:

 

(Tu lio Kawlram ah minthang ngaimi DORON ah Lead tumtu Mang Za Kam 2015 Kum Ah Tonnak kan rak ngeihmi  a si)

1. Pumpak, chungkhar konglam?
MZK:    Ka pa Pu Hmung Luai (Hakha) le ka nu Pi Sung Ruang (Lungtar) an si. Hakha ah ka chuak i a thangmi ka si.


2. Kum zeizat na si in Kita (Guitar) tum nai thok?
MZK:  Tang 9 ka kai hrawng hin guitar hi duh hram kaa thok. Biatak tein ka tum cu tang hra ka awn hnu ah a si.

3. Kita lei he pehtlai in zei tluk tiang dah cawnnak na ngeih? Cawn chap nai tim ti maw?
MZK: Tang 9 ka kai lio ah Van Tum (Tleicia) nih hin arak ka chimh hmasa bik. Tam a ka chim lo nain Guitar a rak ka duhtertu hi a mah hi a si. Tang 10 ka awn hnu ah Ko Sai le Ko Thitsa sin ah ka rak cawng. Tampi zuam rih ka hau (Mi sin va  Cawn ngai ngai si lo zong ah ).

4. Kita tum lei ah hodah nai zohchun mi  a si? Na uar bikmi Laimi chung le miphun dangin ho dah an si?
MZK: Kaa zoh chunhmi ngaingai cun an um lo. Laimi chung cun kan u le simi James te Bawi Vung  hi an si ko. Miphun dang ah cun ka uar mi hna tampi lakah John Petrucci hi ka uar bik.

5. A voikhatnak mizapi hmai ah Kita Lit (Lead) na rak tum zei tikah a si, cu lio na thinlung, nai lunghmuih ning?
MZK:  Voi khatnak bik mizapi hmai ka tum hi Rangon LBC mino sing song service ah a rak si. A tih zong ka rak tih pah, a nuamh zong kaa rak nuam tuk.

6. Hlaphel zeizat dah na tum cang? Chin hlaphel zeizat le miphun dang teh?
MZK:    Fiang in cun ka thei ti lo 50, 60 cung cu si lai dah. Lai hla deuh a tam lai kawl hla le a dang Taingyinta hla ,gospel hla pawl zong an ve hna.

7. Myanmar ramchung hlasak thiam ho te pawl dah na tumhpiak mi an si cang hna?
MZK:  A kan sawm nak i an sak ve ah cun hei tumh khi si ko. Kan tumh mi han zong an tam pi,, kan tumh bal lomi hna zong an tam pi ko lai.

8. A tu hi Band na ngei maw? Zeitindah na cawlcang ning a si?
MZK: Si kan ngei. Kan band min ah DORON kan ti.  KB- Mung Pi , Bass-Van Tha Cung, Drum – Wai Phyo, Guitar kei mah. Recording deuh kan tum mi a tam.

9. Kita tum bak hin ka paw kai cawm kho ko lai na ti maw? Na ruah ning?
MZK: (Nih pah nawn buin) Mah hi cu Pathian nawl si ko. Zei thil poah zei rian paoh ah chuak lak in tuah khawh ahcun I cawm khawh dih si ko tiah ka ruah.

10. Tu lio hlaphel pakhat chuah duh ah zeizatdah a dih?
MZK:Lai hla ma kawl hla nih a ngeih ve ,, Lai hla le Gospel hla pawl hi cu  a tlawm deuh.

11. Hal dawh lo cu a si pah nain a buaktlak theih awk hna a that ahcun Stage-show na tum caan ah zeizatdah man na lak hna?
MZK:: Aw mah zong hi ,, a puai nih a ngeih . Wedding hei ti bantuk khi cu a fawi deuh ngai.

12. Laimi hlaphel na tummi ah zei hlaphel dah nai lunghmuih cem? Zei ruangah?
MZK: Lunghmuih bik ti cun a um lo ,, chan thar hla album  deuh si mi bianabia ah, Thawng aa album,Sui Lian album, Zing Bawi Kung album te pawl hi ka uar deuh mi an si.A ruang cu an hla hrimhrim hi chanthar hla deuh an si, hlaphuahtu pawl hrim an thiam.

13. Chinmi kut chuak in zei hlaphel dah ringawn (Music) lei ah a tha bik na ti? Zei ruangah?
MZK:: Chinmi nih chuah mi ah ti tu in phi ning law “Ho dah a palh” timi album hi ka uar bik. An hla zong a tha ,,asatu zong an tling, Music an tummi zong a tha. (Laimi nih tum mi si lo Metal Zone nih tum mi si )

14. Kawl Ram level in Kita tum thiam bik na timi hna hote dah an si? 
MZK:Kawl ram ah cun Chit San Maung hi a thiam bik ko.

15. Pehtlaihnak zeitindah tuah khawh na si lai?
MZK:  Akam.mzk@gmail.com ph no +95943175236 ah si lai.

16. Biahaltu keimah chim lo midang zong nih theih an duh ngaimi cu tuhi na hnakruh tlaumi nai hmuh cang maw? 
MZK:: Aw, nupi ka ngei cang. Fanu 2 kan ngei.

17. Kita tum uarmi mino sinah biacah na duhmi?
MZK: Kan dih lak in zuam kan hau, zuam chin cio ko uh.

18. Na caan manh lo karah biahalnak tlingte in na ka leh caah kailawm tuk. Pathian nih kan miphun cawisangtu ah in-hmang chin lengmang ko seh.
MZK:  Keimah zong nan cung ah kaa lawm tuk ve. Pathian nih thlachuah in pe chin ko hna seh.

(Tonnak Tuahtu: Zingdapkik le Pehtlaihnak tuahtu: Salai No Hmung)