Kan Uar Tukmi EPL Pumpalulh Chuihnak Ah Chelsea Champion:

Lai nih champion biafang hi buanco tiah a hman ngaingai mi a si. Cucaah 2014-15 Premier League pumpalulh chuihnak ah Chelsea nih buan an co kan ti ko lai cu.


A voihnihnak Chelsea ka kir a si tikah ka caah biapi taktak khi a si, cu ahcun buan kan conak zong hi a si tiah Chelsea coach Mourinho nih BBC ah a chim.

Nizan ah Chelsea le Crystal Palace an chuihnak ah Eden Hazard nih fanelti a chuihmi a kawl lo nain a lu in a suk thanmi a kawl thannak in Chelsea caah EPL buanconak a pek hna.

Chelsea club ngeitu Abramovich nih a ka duh chung caan paoh cu Chelsea ah ka um lai tiah Mourinho nih a ti.

Tukum ah Chelsea nih EPL pumpalulh chuihnak ah buan an co hi a voi nganak a si i Mourinho hruainak in a voi thumnak a si. Hlan ah buan an rak conak hna cu 1955, 2005, 2006 and 2010 hna ah an si.

Mourinho nih Chelsea club cu 2004-5 le 2005-6 ah EPL buan a rak copi hna. Tu kum hi a voithumnak cu a si caah vawleicung pumpalulh coach thiam an timi hi a rak hman hringhran.  Porto, Chelsea, Inter Milan le Real Madrid a hruainak hna ahhin a hlawh a tling hringhran ko.

Tutan Chelsea nih buan an conak ah Chelsea celhtu hna ah lawmhmi hna cu John Terry captain, John Terry, Hazard, Cesc Fabregas le Costa an si hna. Buanconak ah an mah hi biapi taktak in celhtu an si tiah BBC nih a tia chih.

Hlan ah Mourinho cu Chelsea a rak um lio ah “Special one” a rak i ti, tutan Chelsea a kir than ahkhan “Happy One” ai ti, tutan Chelsea nih EPL ah buan an co bak in Chelsea thapetu pawl nih Mourinho cu Special One tiah catar in an ti.

Chelsea club cu EPL buan an co hlan ah Capital One Cup zong buan an rak co diam cang.