Catialtu hna hi pumpalulh chuih cu chim lo Kawl kham lawng ka si tawn. Cu ko nih cun a chim rel ka thiam ning ahhin Coach tiang a tuan kho ding khi ka lo.
Pumpalulh hmanh a tawng ballo mi a huammi nih cun keimah nak in coach tuan kho ding an lo deuh lai.
Tu lio caan lawng siloin kum zeimawzat chung kan uar tukmi le teinak hmuh awkah kan zumh tukmi Real Madrid cu zahan ah Juventus nih an bualrawn ah cei ko in 2-1 in an hrilh hna. Voi hnihnak an i ton tik cu Real nih an tha um-ek in an chuah a hau lai.
Tu zan ah vawleicung club ah a thabik timi Barcelona le Bayern club cu Barca an buanrawn ah ai cil ding an si. Pumpalulh chuih lei a huammi caah cun hi hna pahnih ngelcel ton hi tiin hrelh awk an tha lo. Semi-Final si lo zong ah UEFA a voi khat chuihnak hmanh ah rak I tong hna sehlaw pumpalulh chuih huammi caah cun mizeite nih kan hrelh ka zum lo.
Tu lio Bayern Coach Guardiola nih Messi cu a tha tuk. Mizeihmanh nih kham awk tha lo tiah BBC ah a phuan.
Guardiola nih Barcelona club cu kum 4 thengte a rak hruai hna i a kuttang ah Messi cu a rak um pengmi a si.
“Aluancia thla 4-5 chung Messi a chuih ning cu kham awk tha khi a si lo,” tiah Guardiola nih a ti.
Guardiola nih 2008 kum in Barcelona club cu a rak hruai hna I league buanconak voi 3, champion league buanconak voi 2 le Club world cups timi voi hnih bakte buan a rak co pi hna. A mah hrimhrim hi kum 11 chung 1990 in 2001 tiang Bacelona club ah celhtu a rak si.
“Barca cu ka caah biapi taktak mi a si ko. Tutiang hi a si ko nain, teinak hmuh awk hi ka dirhmun a si. Ka dirhmun ah upatnak pek kha siloin Bayern Final phakter kha si,” tiah Guardiola nih BBC ah a chim.
No comments:
Post a Comment