Facebook Sin In Theihterhnak Le Ralrinpeknak:

1. Na pasal nih facebook tar mi nu hmanthlak a zoh tikah le, na nupi nih pa hmanthlak tarmi a zoh tikah cu ee, kha ee tiah rak i-ti ti hlah u, Facebook ser ka sinak cu hawikom thing hna he tonthannak kha tinhmi pakhat a si ve.

2. Ziah! Laimi pawl hi “Feeling sad, felling happy, felling tired..,” ti phun rumro hi na status ah nan tial tawn. Nan mah holhte in hi biafang pawl hi nan ngei ve lo maw?

3. Cu lawng hlah Facebook ID nan min ah mirang min le Laimi cawhhrup in nan tuah. Lai min te in ID tuah khawh ka si ko.

4. Nai manh caan paoh ah le na um har caan paoh ah na van ka len tawn, nikhat ah suimilam 3-5 tiang hna caan na ka peknak cungah kai lawmtuk ko. Amahbelte ziah Khrihfa tha taktak ka si nai ti tung ah na Biakmi na Pathian thatnak, dawtnak siloah Bible relnak in minute 5 te hmanh caan na pek khawh lomi cu na hmailei kan khap lo. Ka lung zong na hring ngai.

5. Na hmanthlak dawhte in nai tammi kha a poi tuk lo. Amahbelte nangmah le nangmah hmanh ipalh luklak in nai dawhter tikah kan palh tawn.

6. Laimi nih Facebook group tamtuk nan ser cang. A ser cuahmah mi zong an um rih fawn. Hiti ningte in nan si ahcun nan group min hmanh kai cinken kho ti lai lo. Laimi cu bu (group) ser hi nan uarci taktak a rak si ko rua.

7. Patung pawl, Facebook na ka on le cangka in nungak dawh hmanthlak rumro a kawlmi le a zohmi cu ralrin kan pek hna. Nangmah le nangmah buainak menmen nai pek.

8. Nutung pawl, Facebook na ka on le cangka in ka DL thing ti phun le cu lio ah a rak style ngaimi kha ti phun in pa hmantlak zoh kha cak tuk hlah, na zia na thinh lo ahcun van arfi rel a fawite.

9. Profile hmanthlak a tu le tu a thlengmi cu lungrep ngei lo tiah kan ruah hna.

10. Rian herh mi minute 9-10 ah lim ko ningmi tuah huam lo in nikhat ah suimilam 1 leng hna a ka lengmi cu Khamh ifian tak tung lo i hrinthan mi bantuk tein a ummi kan ti hna.

11. Keimah ruangah nulepa, nupi le pasal le siloah unau hawikom he sinak na ton sual ahcun kei caah ngaihchia taktak a si. Chantiluan na dawi ve nain a hmanzia na thiam tak rih lo tinak a si.

12. Facebook, Facebook ruangah cazoh ka tloh, rian ka tloh, mitkuh a cim lo tbk pawl ka theihmi a tam tuk cang. Facebook ser ka sinak hi na caah sunghnak caah siloin thahnem santlai dingah a si. Hiti thangchiat sualphawt ka sinak cu nangmah pakhat nih a hmanzia na ka thiam lo caah a si.