Jew miphun lakah phun sang, mirum le bawi phun timi cung in mizeimaw nih Garik nunphung le sining pawl hi an cohlang ngaingai hna. Caan tlawmpal hnu ah hi bu hna cu Sadusi ti an si.
Sadusi pawl cu Karik lentecelhnak an uar ngaingai. Karik inn lian pipi hmun ah kal lengmang an duh i Karik ca pawl an cawnnak ah an ilunghmuih ngaingai. Cun ruahnak kau ngeimi si an duh i thil hi lam tampi in tuak le ruah an izuam.
An zumhnak hi Pentateuch cauk (Genesis in Deutronomy) ah aa ngat i thih hnu thawhthannak le vancungmi kong hi an cohlan lo.
Zeizongte ah Pathian lawnglawng mawhphurhter ding a si lo, kanmah lei zong in harnak pawl kan tonmi hi tawlrel awk a herh, thlacam daithlai ruang le thlacamnak lawngte in ti ding a si lo an ti. Thih hnu nunnak hi an zum lo i thihnak in minung thlarau a dih an ti. Cucaah thih hnu ah dantatnak le laksawng peknak tbk pawl zei hmanh an zum lo. Annih hi biaknak lei nakin ramkhel lei biapi an chia deuh.
Rome uknak he pehtlai in alnak um lote in an cohlan i Rome nawlngeitu hna he tanlakti khawh hi ruahnak thabik a si an ti. Caiaphas kha Sadusi a si i Rome nawlngeitu hna he daihnak ser khawh kha ai zuam.
Mitampi nih Sadusi hi an uar hna lo. Ahlei in phungbia cawnpiaktu le Farasi pawl ko nih an huat khun hna. Annih cu mahte in ruahnak a ngeimi an si.
Caan khat ah kan Bawipa Jesuh nih faklakte in Sadusi pawl bia a al hna. Cucu Sadusi pawl nih va pasarih a ngeimi nu thih hnu thawhthannak, vancung ah hi nu hi a pasal pasarih lakah ho nupi dah a si lai tiah bia an rak halnak kha a si. Jesuh nih a lehmi hna cu Vancung ah nupi thit a um ti lo tiah a leh hna.
Sadusi pawl hi AD 70 ah Rome nawlngeitu hna nih Jerusalem khau le Temple an hrawh hnu in an um ti lo. (Cc: Background to the Gospels, http://www.gotquestions.org/Sadducees-Pharisees.html, wikipedia)
No comments:
Post a Comment