Thein Sein Inn Ah Thawnglak Awk Minung 45 Onh An Si:

Myanmar president Thein Sein umnak inn ah April 1 thok in ramchung, ramleng thawnglatu minung 45 thawnglak awk onh an si, RFA nih a tial.


President inn ah thawnglak awk caah a sokmi minung 54 chungin minung 45 cohlan an si tiah president zung lei nawlngeitu U Zaw Htay nih a ti.

“Thawnglak awk he pehtlai in mizeihmanh caah khamnak a um lo. Sikan ning he a si ahcun senh an si. Minung 54 nih thawnglak awk an sok mi chungin minung 9-10 cu a herhmi chap awk ah an sok than lai,” U Zaw Htay nih a chimchap.

Mah hi minung 45 cu president inn ah tuahmi meeting ah an itel lai i, thawng an la lai.

Ramleng thawnglatu 22, ramchung thawnglatu 27, Sky Net le MRTV in thawnglatu 5, anzate in minung 54 nih president inn thawnglak awk caah an sok tiah thawng theih a si.