Hriamnam Thihphaihnak In Campaign Tuahnak Kan Cohlang Lai Lo: Min Aung Hlaing

A ralaimi November thla 2015 Myanmar thimnak ah hriamnam thihphaihnak in campaign tuahnak cu cohlan a si lai lo tiah Myanmar ralbawizik Min Aung Hlaing nih 27 March ah tuahmi Ralkap Ni ah a chimmi RFA nih a tial.


2015 Myanmar thimnak a tlamtlin khawhnak caah tuanvo ngeitu bu hna he ralkap nih hma a lak lai.

Cu pinah tlangcung hriamtlai hna nih biatiamnak zulh awk le ramkhel bauinak cu ramkhel lei in daihter awk a si a ti chap.

Cun ram pumpi kahdaihnak hmalaknak ah humhimnak lei caah dirhmi DDR hmalaknak cu a um awk hrim a herh tiah a chim rih fawn.

2008 phunghrampi ah ralkap cu rampi hruainak ah telawk a si bantukin cucu langhter zong a si i ralkap nih phunghrampi cu a kilven lai tiah a chimchap.

Aung San Suu Kyi cu a ngandamnak a that deuh lo ruangah Ralkap Ni le 27 March ni ah NLD cawlcanghnak ah a muihmai hmuh khawhlonak a si tiah NLD party biachimtu Daw Nan Khine Thwe Myint nih a ti.