Tulio a chuihnak/umnak club cu Tottenham ah a si. England ram ai-awh in upa chuihnak ah a voikhatnak bik a chuih cu 28 March 2015 ah a si i Goal khat a kawl.
2014-15 Premier League ah Kawl tambik tiin Diego Costa he tutiang ah Goal 19 veve an ngei. Totemham club a um bu in hlannak (Loan) in Leyton Orient, Millwall, Leicester City le Norwich City Club hna ah a um bal. 2014-15 chuih caan a van phanh cun Tottenham club nih bochan cemmi ah ai chuah.
Pumpalulh chuihthiam tampi nih Kane hi Diego Costa, Sergio Agüero ti pawl bantukin chelhpitu bawmtu tha ngei kho sehlaw EPL ahhin Goal tamtuk in midang a thlau hna hnga an ti. Chuihnak ah midang bantukin hawi komtha a ngeih lo bu in Goal tambik ngeitu pa 2 ah ai tel thiamthiam.
England ram nih maikal (Forward) tha, cu hmanh ah Goal tampi a kawl khomi an herh tuk lio ah hi Kane a um hi cu England manager Roy Hodgson ai lawm khun lai.
EPL thlakhat chung chuih thiambik pehtlai in 2015 January le February thla ca cu Kane nih a co.
2014-15 chung ah vawleicung pumpalulh chuihnak leiin milar pakhat a chuak mi cu Kane hi a si tiah el awk tha lomi a si. Club pakhat ah Goal tambik kawl khawh hi thil fawite a si lo.
Hi tiningte in Kane nih a thiamnak a langhter khawh ahcun vawleicung pumpalulh chuihthiam manfak pawl a si ve ko lai.
No comments:
Post a Comment