David Beckham Nu Pawl Sinah A Bualcelnak:

David Beckham Nu Pawl Sinah A Bualcelnak:

Milar minthang pawl hi vawlei thluachuah comi lakah a co khunbik hlah maw an si ti awk in an um. An duhmi pa le an duhmi nungak bak an kawmh hna i an thit khawh fawn hna.

David Beckham cu zeitluk in minthang le milar a sinak kan langhter ahcun kanmah ram vawleicung ah zei lei paoh ah hnung a pil mi rammi hmanh nih kan theihtuk mi le kan uar tukmi pumpalulh chuihthiam minthang a si.

A nih hi pumpalulh a chuih thiam lawng siloin pumrua tha le michuakthiam ngaingai a si. Hiti a si caah a duhmi ngaknu bak a kawmh khawh i a thit fawn. A nupi cu hodah a si?

1994 kum ah vawleicing nu group laksak thiam in min a thangte dingmi Spice Girl ti cu minung nu 5 nih an rak dirh. Cu lakah Victoria, a tu Beckhm nupi hi a rak i tel ve. Hi Spice Girl hlasa group hi zeitluk in an rak lar i phaisa an hmuh khawh ti ah cun kum khat an hmuhmi hi $75 Million tiang a si.
An Album chuahmi pakhat hi 30 Million copies tiang an zuar khawh.


Vawleicung ah hlasak lei in an min a tur in a turmi Victorai le pumpalulh chuih lei in a min a tur in a turmi David Beckham cu an chan ai tong. Beckham nih Victoria a van hmuh cun “This girl is for me”a ti colh bak i a ngah bak ve. 1998 ah hamnak an tuah I 1999 ah an i-ngei.

 Beckham cu Man U club in Real Madrid ah 2003 kum ai thial ah personal Assistant caah nungak dawh taktak an rak pek. A mah cu Rebecaa Loos a si. Caan rau lote ah Loos nih Beckham he kan it-ti tiah vawleicung pi theih in a phuan.





Cu hnu zarhkhat ah Sarah Marbeck (A tang hmanthlak) nih ka si ve a ti ve. Beckham nih Loos biachim mi cu a el kho lo i Marbeck chimmi tu cu phuah chawmmi a si a ti.

Spain ram chuak, Model Esther Cañadas he zong rak i date bal in thawng a thang bal fawn rih.

Khatlei in Celina Laurie nih a cunglei nu 2 puan hnu in keimah cu Beckham nungak 3nk ka si ai ti ve. Hi kong hi kum 2 chung ka chim lo. Denmark ram hotel pakhat ah 2002 kum ah kan rak it-tinak cu a si a ti. Tlingte in an sining vialte The People thawngzamhnak ah a phuan dih. (Cc: The People, Mirror, Daily Mail)