UN Le America Nih Myanmar Kahdaihnak Ahran Limmi An Thangthat:

Myanmar cozah le tlangcung hriamtlai bu 16 karah ram pumpi kahdaihnak ahran an lim khawhmi cu tuanbia ah hlawhtlinnak taktak a si tiah UN nih a thangthat, RFA nih a phuan.


Hi bantukin ahran hnatlaknak tuahmi hi kum 60 leng ramchung raltuknak he pehtlai in Myanmar caah biapi taktak mi cinken awktlak a si tiah UN General Secretary Special Adviser Mr. Vijay Nambiar nih a ti.

Mr. Nambiar cu Myanmar cozah le tlangcung hriamtlai karah kahdaihnak he pehtlai in ceihhmainak ah thla tampi ngiathlaitu in ai telmi a si.

Cozah le hriamtlai karah tu bantukin ahran hnatlaknak an tuahmi he pehtlai in Yangon America Embassy zung nih kan thangthat hna tiah March 31 ni ah catluan an chuah.