Messi Le Rodaldo Tluk Ding Cu Kai Zum Lo: Eden Hazard

Kapu Morinhu nih Messi le Ronaldo a hleih cang hna tiah ka ruah a timi kha a luan deuh, khi tiangtiang cu ka si lo tiah Chelsea club nih bochan taktak mi Hazard nih a ti.
Hazad cu Belgium rammi a si i tulio pumpalulh vawlei ah mizapi nih an chim thiam ngaingai mi a si. Kum 24 te lawng a si rih.

2012 kum, Lille club in Chelsea club ah  £32 million in ai thial. Mi vekvak tha, pumpalulh mihlen thiam a sinak nih pumpalulh huam pawl thinlung ah hma a lak ngaingai. Morinhu lawng siloin midang zong nih Messi le Ronaldo he a thiamnak an tahchun tawn. Mizeipaoh nih vawleicung pumpalulh chuih mino lak ah cun  a thiambik pakhat a si an ti cio.

Messi le Ronaldo bantukin chuih caan khat ah Goal 30-40 tiang kawl khawh kai zuam ve lai. Asinain khi tiang cu ka phan lo, Hazard nih a ti.

Tukum chuih caan ah Chelsea nih teinak pahnih a hmuh khawh sual ahcun cucu kei caah a lianngan taktak ding a si, a ti.

Tu kum chuih caan ah Hazard nih Chelsea club caah Goal 11 a kawl cang.

Hazard cu fapa pahnih a ngei. A biaknak he pehtlai in amah pumpak hmurka in theihmi a um lo nain British thawngthanhnak minthang pawl ruahdamhnak ah Muslim biaknak a biami a si lai an ti.
(Ref: Goal, Wikipedia)