Cozah Nih Kahnak A Ngol A Herh: UNFC

Shan ramkulh Chaklei le Kachin ramkulh ah cozah ralkap nih tanglei lawng siloin thli lei in dohnak fak a tuah cuahmah caah tu lio kahdaihnak caah ceihhmainak hna cu man ngei lo ah ai chuah tiah UNFC nih cozah a mawhchiat, BBC.

Ceihhmainak he pehtlai in thatlei a panh chiarte lam a thlengtu thil cangmi cu voidang bang a si peng tiah UNFC cathluan ah langhter a si.

Cucaah cabuai cung ah tonnak hi sullam ngeihter i hriamtlai pawl dohnak hi cozah nih a ngol hrimhrim awk a si tiah cathluan in halnak an tuah.

Kan hnu ni 2 chung zong ah cozah ralkap nih hriamlian in Kokang hriamtlai a kah peng ko tiah Kokang hriamtlai biachimtu U Thun Myat Lyn nih BBC ah a chim.