CNF hruaitu u-pa chung in Chairman Pu Nang Lian Thang, Secretary General Pu Zing Cung, Dr. Sui Khar, Pu Thla Hei, Dr. Za Hlei Thang, Pu Lian Uk, Pu Thawng Za Lian, Pu Van Bawi Cung, le keimah (Daniel Sakhong) kan kai kho. Aizawl zong ah kan hawile a tang mi pawl nih Pu Thomas Thang Nou le Pu Paul Sitha hruainak in zoh tthannak tha te in an rak tuah ve tiah thawng theih a si.
Khua pa 2 ah a dang dang in tuah a si nain, kan ruahnak aa khat dih. Draft an rak tuah mi zoh tthan tik ah ruahnak pek chap duh mi a tlawmpal te dah ti lo cu a tlangvuak in hnathlak kan ngei. Kan meeting tluangngai in a kal dih hlei ah kan zaa pi in nuam tak tak in kan can kan hmang, kan ni kawm. Chun ah meeting ngeih lawng si loin, Washinton D.C. I a um mi kan Chin mipi he siseh, nungak Monica uk hruainak in Chin Baptist Mission Church (CBMC) mino pawl he siseh tawn bia ruahnak kan ngei tiah Danial Sakhong nih a tial.
CBMC mino pawl cu kan Chin mino ka hmuh mi lak ah ramdawtnak lungthin a ngei bik pawl an si. An bia hal mi tuak tik ah ram dawhnak, miphun tthan nak an rak ngeih ning a thluk tak tak ti hmuh khawh an si. Ttha tak tak in an kan zohkhenhnak le bia ruahnak an kan ngeih mi cung ah kan ni lawm tak tak tizong Daniel Sakhong nih a langhter chih.
DC I Chin upa pawl nih siaherh bik in an hal mi cu a tu a raa lai mi May thla ah ah Wah miphun pawl an umnak Pangsang khua I an tuah ding mi meeting ah CNF an kan sawm lo nak kong a si. Kan pu le, a bik in Dr. Sui Khar nih hi an kan sawm lo ruang ah a pawi lo tuk ning, CNF ralkap thazang an mah tluk in kan tam lo ruang ah a si lo ning, zeiruang set ah dah a si (FB ah chim a ttha rih lo) ti fiang ngai in a chim I, a theitu dihlak cu an diriam ngaingai tiah thawng theih a si.
Meeting tluangte in kan vun dih in a dawnghnak ah Pu Zing Cung nih thla a cam. Ka mit kaa chinh pah in ka mit thlam ah a rak cuang mi, a ka ruah ter mi cu American Pawl dohthlennak an rak tuah lio I, an hruaitu bik George Washington Pathian aa rak in bochan ning le a hmanthlak pawl a si tiah Daniel Sakhong nih a ti.
Pu Zing Cung bantuk Pathian bochannak tak tak he kan miphun a kan hruaimi hruaitu ttha kan ngeih hi kan miphun kan van a ttha. American pawl George Washington Pathian hmai ah a chiah ruang ah teinak a hmuh bantuk in, kan Chin miphun zong kan tumtah mi zalawnnak cu ni khat khat ah cun kan hmu ve te ko lai. Pathian a bochan tak tak mi hruaitu ttha kan ngei hna. Anmah nih cun an kan hruai..DC kan cawlcanghnak hmanthlak pawl FB hawi le nan caah ka rak in post piak hna...DC ah mi kan miphun hawi vialte CNF caah Chinland Club, le UCCF I phaisa nan thawhnak vialte le nan kan bawmhnak vialte cung ah lawmhnak chimcawk lo kan ngei tiah Daniel Sakhong nih a langhter chap.
No comments:
Post a Comment