Australia Immigration Minister Le Chin Upa Tonnak An Ngei:

14 April ni ah Australia ram Minister for Immigration and Border Protection Minister, the Hon Peter Dutton MP le Australia Chin Community hruaitu tonnak an ngei tiah thawng theih a si.


Kawlram mi aiawh in le Chin mi aiawh in Pu Hre Ling, Karenni in minung pakhat le keimah Pu Lian Ding Hmung an kan sawm. Kawlram mi aiawh in Chin mi pahnih kan i tel kho tiah Pu Lian Ding Hmung nih a facebook ah a tial.

2015-16 caah Australia nih a ngeih hnga dingmi Humanitarian Program kong an kan ceihmai pi. Malaysia le India ah a ummi Chin mi hna caah biachimnak caan ttha kan ngei kho. Cathluan zong pakhat kan pek chih tiah a langhter fawn.

Tutan tonnak hi August 21, 2014 ah Prime Minister Tony Abbott he itonnak caan ttha an ngeih hnu ah, Immigration Minister he itonnak caan ttha anngeih tthan a si.

ACC min in Chin mi caah, kan ti khawh tawk in, biachimnak caan ttha kan ngeih khawh caah kanmah tawk in kan i lunghmuih ngai. Pathian min zong kan thangtthat tiah Pu Lian Ding Hmung nih a ti.