Falam MP Ai Cuh Ding, (CNDP) Le (CPP) Party In:

Myanmar cozah nih a timhtuah ningin thil a tlamtling ahcun tu kum 2015 donghlei ah thimnak tuah a si lai.


Hi thimnak caah Chin Party pawl zong timhtuahnak an ngei cuahmah hna tiah theih a si.

Chin National Democratic Party (CNDP) cu March 31 in April 2 tiang party conference an ngei i Chin ramkulh le ramthen dang 4 ah MP hmun 60 caah an izuam lai.

CNDP in Falam ah ai zuam dingmi hna cu Salai Hngepi, Sayamah Chinchin Peng Thang, Saya Biak Cawm le Pu Hrang Kian Lo an si lai tiah Salai Ngepi nih RFA ah a chim, CVTH nih a tial.

Chin Progressive Party (CPP) in Falam ah ai cuh dingmi hna cu Mai Cherry Zahau, Pu Sui Hmung, Pu Con Kheng le Pu Ma Tuah an si lai.

CPP hi 2010 thimnak ah MP 12 an rak si hna nain, MP 5 nih an chuah tak hna pinah MP pakhat nih mual a liam tak hna caah MP 6 lawng an si tiah RFA chirhchanh in theih a si.