Myanmar Thimnak Boycott Tuahphu A Si Kho: Daw Suu

Cozah nih phunghrampi remh awk nawl a pek lo ahcun a ralaimi November thimnak ah tel loin boycott tuah phu hmanh a si men lai tiah National League for Democracy chairman Daw Aung San Suu Kyi nih Reuter tonnak ah a chim, BBC.


Phunghrampi remh a si lo ahcun thimnak ah nai tel lai maw tiah biahalnak an tuahmi cu Daw Suu nih thimnak tel loin boycott tuah hi a thabik lam cu a si lo nain kan tuah lai lo tiah ka khatte hmanh ka chim kho rih lo, asinain phundang lam kan kawl cuahmah ko tiah cu biahalnak cu a leh hna.

NLD party cu thimnak ah tel awk thimhcia kan si ko nain president Thein Sein nih thlenak caah hmalaknak a tuahmi kan duh ning in kan hmu lo, thimnak thawn awk ah izuamnak bantuk a um tiah Daw Suu nih a chim.

2011 kum ah Thein Sein he kan rak iton lio ah thlennak taktak tuah a duhmi a lo nain a tu cu a si lem lo tiah a chimchap.

U Thein Sein cu tlangcung hriamtlai bu hna he kahdaihnak an tuahmi langhter in thimnak thawn khawh a si tiah Daw Suu nih a ti.