Mindat Khua Chungkhar 9 Umnak, Inn 6 A Kang:

Mindat khualai fang ah inn 6 a kang tiah Chinlandguardian nih a phuan. Hi inn kangmi inn 6 cu chungkhar 9 umnak a si i April 16, zan suimilam 11 tluk ah a kang.


Mah hi innkang lakah Chin minister of Development Affairs a simi Ning Naing inn le Daw Mya Kyi dawr an i tel i, Sanpya sang ah a si.

Meikangh hnu minute 10 hrawng ah Meithattu an rak phan nain mei-alh a caktuk cang caah inn dang zong a kangh manh cang tiah mit-hmutu nih a chim.

Zeitindah mei ai thawh ning theih a si lo. Sunghnak a tongmi chungkhar hna cu an chungkhat rualchan sinah an um chung tiah Mindat khuami nih Chinlandguardian ah a chim.