Muidawh, Pumrua Tha Hlei Ah Awtha Khin Khin Tonnak:

Delhi ka  hawipa Pa Lian nih cun Khin Khin hmanthlak a hmuh bakah thumkomh pei a si hi a ti. Ka hawi dang pakhat Pa Duh nih thumkhomh lawng siloin pa nga komh zong a si men lai a ti. Muidawh, pumrua that hlei ah awtha hi kan Chinnu ah an tam lai lo ka ti, cucu el awk a har ngai lai.

Khin Khin upat a sinak cu hihi an si. Cu hna cu “pathian riantuan pasal caah ka duhnak cu thlacamnak in bawmtu ka si hnga,” a timi nihhin Pathian ai bochannak le Pathian a thinlung tein a duhnak a langhter. Cu hleiah “Lai pa caah Lai nu, Lai nu caah Lai pa,”a timi khi puitling taktak a sinak a langhter. Midang nih duhmi cu miphun dang an si zong ah a poi tuk hme maw tiah an ti tawnmi a teinak hna cu a si tiah catialtu nih ka fak.

1. Na min dihlak le zeitindah dawtnak min?
KHS: Ka min cu Khin Hlah Sui ka si. Lai min cun Iang Din Sung ka si. Dawtnak in Khin Khin tiah an ka auh.

2. Pumpak kong.
KHS: Ka chuahnak khua cu Thantlang peng Salen a si. Ka umnak cu Hakha ah a si. Ka pa cu Pu Tluang Bik (tleicia) a si i Ka Nu cu Pi Tha sui a si. An pahnih in Salen an si. A tu kei Malaysia ah ka um lio a si.

3. Malaysia Chinmi hlasak zuamnak ah pa khatnak na si tiah thawng kan theih?
KHS: Aw, ka si ko. MCCYF  Bu 20 in zuamnak tuah a si i cu ahcun pa khatnak ka rak si.

4. Pasal caah na duhmi hi chungkhar hnatlak pi theng a herh na ti maw, ti lo dah? Zei ruangah?
KHS: Pasal ca'h cun chungkhar ngaitlak pi mi cu a thatuk. Asinain chungkhar duhmi le ka duhmi aa khah lo ahcun ka duhmi chungkhar nih an ka ngaitlak pi khawh nakhnga a si khawh chungin ka chimh hna hnga. Keimah nih ka duh lo mi cu chungkhar nih an duh zongah a har ngai ko...

5. Pasal caah duh thim awk dirhmun biaknak lei riantuan le tuan lomi, zei deuh dah nai thim hnga, zei ruangah?
KHS: Pasal caah aa thim kho dir hmun hei sining law Biaknak lei rian (Pathian rian) a tuan mi kai thim ko hnga, A ruang cu kei mah zong hi thlacamnak tel in bawmtu si ve ka duh.

6. Pasal caah Lai mi thengtheng a herh na ti maw ti lo dah, zei ruangah?
KHS: A herh ko tiah ka ruah. A ruang cu ka fa le hi miphun tlinglo( kahpia) an si ding ka duh lo. Cucaah ka pasal ca ding ah cun lai pa thengtheng ka duh ko. Lai pa pawl zong nih lai nu thengtheng rak ti ve hna seh law tha tuk hnga..

7. Pasal caah zei bantuk phun khi dah saduh na thah? Tling deuh kan chim kho law?
KHS: Pasal ca ding ahcun Pathian a ttihzah mi, Mah le mah aa uk kho mi, keimah a ka daw dingmi, cu pinah a fim zongah a tha chinchin.. hehehe.

8. Chungkhar khuasaknak caah pasal le lawng rinh i nupi le cu innchung rian tavuan lak khawh ahcun a za ko na ti maw? Na ruahnak?
KHS: A za lo. A kawlhawl kho dir hmun ka si chung cu riantuan ve ah atha tiah ka ruah ko.

9. A tu hi na lawng maw lawng lo hme? Tlangval pawl nih hi biahalnak a um lo ahcun a tling lo an ti sual lai? Heee..
KHS: Aw atlinglo a ti mi an um sual a si le an mah tein rak dotthlet te kun hna seh. Hehehehehe..

10. Pehtlaihnak zeitindah tuah khawh na si lai?
KHS: Ka e-mail cu khs.khinkhin@gmail.com,  ka facebook cu (khin hlah sui) ti a si lai.

11. Malay ah sau um ding hna na si ti maw?
KHS: Malay ah saupi um rih dawh ka si.

12. Lungsaute in biahal mi na ka leh caah kai lawm tuk.
KHS: Aw kei zong biahal awktlak ah kaa ruat lo nain bia tlawmte na ka hal mi cungah kaa lawm tuk ve.