Chinram ah a hnu bik mission riantuantu R.G. Johnson tufa Hakha an phan than:

Chinram ah a hnubik mission rian a rak tuanmi US in R.G. Johnson tufa a simi Mr. Deki le a nupi Linda le Deki far Rudi cu April 17 chun suimilaam 1:00 ah Hakha an phan than.


HBA riantuantu hna le Hakha nupa cheukhat nih HBA zung in hlunghlai ngai in an don hna. Hakha a voikhat phaknak a simi Rudi nih “ka rak thannak hmun le hma ka phak khawh than cu kaa lawmtuk i Pathian min ka thang that. A ka dongtu nan cung ah kaa lawm tuk” tiah a chim. Hi donnak ah HBA GS Rev. J. Nawl Cung Lian nih thlacamnak le biatawi chimnak a ngeih dih hnu ah HBA museum chung thilril pawl an zoh pi hna.

Rev.R.G. Johnson tufa hna cu Hakha ah ni 10 chung an caam lai i Thantlang le Hniarlawn zong tlawn an i tim. (Cc: Hakha Post)