Kenya University Meithal Kahnak In 147 Nunnak Liam:

Kenya nichuah chaklei ah a ummi Garissa university ah al-Shabab Islamist tapung pawl nih mahte um komi sianghngakchia meithla in an van kah hna i minung 147 tiang nunnak liammi an si cang tiah Kenya cozah nawlngeitu nih a ti, BBC.


Mah hi kahnak cu cawn nili ni ah a cang i a tu ahcun kahnak zei hmanh a um ti lo, misual minung 4 meithal kaptu zong thah an si cang tiah Kenya cozah nawlngeitu nih a chimchap.

587 cu chanhchuah an si hna i, minung 79 nih hliam an tuar. Karfio zong cu zan cu tuah a si.

Hliam tuarmi chungin minung 9 cu an zualhma ngaingai caah Kenya khualipi Nairobi ah vanlawng in thlawpbul awk ah an tlikpi hna tiah theih a si.

Hmai ai hupmi minung 4 nih zinglei ah a kan luh hnawh. Muslim simi chuak u tiah an au. Khrihfa paoh cu thah a kan thimh a si ko tiah sianghngakchia a luatmi nih an chim.

Hi thil cangmi cu tihnung taktak a si. Khua zeihmanh meithal in an kah dih. Khrihfa sianghngakchia paoh tlaih a si i Muslim paoh an luatter hna tiah sianghngakchia Augustine Alanga nih BBC ah a chim.

Hi university hi Palik minung 2 lawng nih humhimnak pekmi a si i misual nih an luh pah ah an thah colh hna.