Malaysia Ah Myanmar 173, Thla 1 Fa Telin Tlaih An Si:

Malaysia ram Kedah peng, Sungai Pasir  ah phungning loin a ummi Myanmar minung 173, thla khat fa te telin lawakah nih tuzarh cawn ninga zinglei ah an tlaih hna tiah Thesundaily nih a phuan.


Hi tlaihmi hna cu pa 80, nu 46 le hngakchia 47 thlakhat fate telin an si hna tiah Kedah Immigration Department director Mohamad Yusri Hashim nih a chim.

Hi chung ah minung 4 cu caankar Malaysia ID card sernak he pehtlai in National Registration Department ah kan kuat hna tiah a chimchap.

Kampung Bakar Bata le Kampung Masjid ah a ummi Myanmar minung 195 umnak inn 34 chekhlatnak ah riantuantu 117 nih hma an lak tiah Mohamad Yusri Hashim nih a chim fawn.

Phungning loin a ummi hna cu hren an si ko hna tiah thawng theih a si. Hi tlaihkhihnak cu khuami hna nih kum 10 chung ah ramdang mi an karh tuk caah thinphang in repawt an tuahnak in tuahmi a si.